Денес имавме можност да пиеме утринско кафе со освежената Opel Mokka.
Opel неодамна подготви освежување за Mokka и со задоволство можеме да кажеме дека освежениот младешки кросовер од денес е достапен и во Македонија.
Освежената Mokka ја препознаваме по новиот преден браник кој ја подобрува аеродинамиката. Веќе ги нема LED светлата за магла, туку сега тие се интегрирани во главните светлосни групи. Главните светлосни групи се редизајнирани со нова графика и вертикални елементи налик на Frontera и новиот, голем Grandland. Секако, Mokka го добива и новиот Opel Blitz знак на предната маска.
Кабината добива два 10-инчни дигитални екрани со надграден софтвер и интегриран ChatGPT. Забележуваме и нов управувач, но и некои нови прекинувачи.
Во однос на погоните, купувачите ќе можат да изберат меѓу бензинец, хибриден бензинец и целосно-електрична Mokka. Основниот бензинец е со 136 коњски сили и мануелен менувач.
Лајт-хибридната варијанта добива дополнителни 28 коњски сили од електромотор вграден во шест-брзинскиот автоматски менувач. Секако, во понудата останува и целосно-електричната Mokka Electric.
За повеќе информации, посетете ја официјалната веб-страница на Opel, или пак некој од салоните на германскиот бренд.
