Моќниот Mercedes-AMG CLE 53 4MATIC+ веќе располага со 450 коњски сили и 550 Nm кои ги испорачува кон сите тркала, но сега добива грст додатоци кои го прават уште поексклузивен, без разлика дали ќе изберете купе или кабриолет.
Специјалната Limited Edition изведба добива грст пакети на дополнителна опрема, но и ексклузивни налепници во жолта боја за купето или црно со сино за кабриолетот. Добиваат и специјални бои – CLE 53 Coupe е во мат Manufaktur Graphite Grey Magno, додека кабриолетот е во Manufaktur Spectral Blue Magno боја. Двата автомобили добиваат големи, 20-инчни ковани тркала.
Во однос на специјалните пакети, CLE 53 Coupe ги добива AMG Night Package Exterior, AMG Night Package II и AMG Styling Package, додека кабриолетот ги добива AMG Exterior Carbon-Fibre Package 1 и 2. Двата автомобили го добиваат AMG Dynamic Plus пакетот кој вклучува активни носачи на моторот.
Во однос на ентериерот, ќе ги истакнеме AMG High-End Performace седиштата обвиени во супер-мека AMG Nappa кожа во црна боја со контрастни жолти шевови кај купето, односно бели седишта со црни детали кај кабриолетот. Кабината кај двата автомобили добив акарбонски детали, AMG ознаки и уште многу други ситници.
Оваа специјална серија на Mercedes-AMG CLE 53 ќе се нуди само една година. Автомобилите веќе можат да се нарачаат и првите примероци ќе бидат испорачани во Јули годинава, а пакетот ќе биде достапен само до Мај следната година.
