Цените на горивата повторно одат нагоре – бензините поскапуваат по 2.5 денари, дизелот поскапува 1 денар.
Во согласност со методологијата која се користи за формирање на цените, малопродажните цени се зголемуваат во просек за 2.29%.
Цените на ЕУРОСУПЕР-95 и ЕУРОСУПЕР-98 се зголемуваат по 2.50 денари за литар. Еден литар 95-октански бензин ќе чини 84.00 денари, додека еден литар 98-октански бензин ќе чини 86.00 денари.
Цената на дизелот се зголемува за еден денар, па еден литар ЕУРОДИЗЕЛ ќе чини 85.50 денари.
Новите цени стапуваат на сила вечерва на полноќ.