Викендов ќе бидеме сведоци на новиот тип на квалификации кои се во тестна фаза. Првата таква трка ќе биде во Силверстоун. Тоа ќе биде мини трка од околу 100 километри во текот на денешниот ден – и баш како што навестува името ќе биде спринт, без застанувања, без боксови, само возење.
Овој тип на квалификации ќе носи и 3 бода за првиот, како и 2 и 1 за второ и трето место.
Преведено на разбирлив јазик тоа значи 17 круга во Силверстоун и околу 30 минути. Питстопите не се забранети, но не се очекувани. Може да се возат било какви пневматици. Класичните квалификации ќе бидат во петок, и ќе го одредат стартот на спринт трката во сабота, со тоа што сите ќе се квалификуваат со најбрзи пневматици во петокот.
Бројот на тест сесии е намален на две. Но бидејќи ова е патека која е најблиска за повеќето тимови не би требало да има големи разлики. И онака ја знаат без малку на памет.
Неделата нема никаква промена. Се редат сите болиди на стартно целна рамнина – it’s lights out and away we go.
Автор: Дејан Маликовски
