Компанијата објави дека Nick Collins ќе го замени поранешниот извршен директор Michael Leiters.
Leiters, кој претходно работеше како извршен директор во Ferrari и Porsche, ја држеше оваа позиција од 2022 година.
Collins доаѓа во McLaren од Forseven, стартап за возила под контрола на CYVN, инвестиционата фирма од Абу Даби која ја купи McLaren Automotive во декември. Пред да стане извршен директор на Forseven, тој помина девет години во Jaguar Land Rover, а пред тоа повеќе од 20 години во европската дивизија на Ford.
„Чест ми е што ја водев компанијата McLaren Automotive во изминатите три години. Горди сме на постигнатото и сум уверен дека бизнисот е на силен пат кон успех. Му посакувам се најдобро на целиот тим во иднина.“ – изјави Leiters.
Инвестиционата фирма CYVN планира да внесе нов капитал во бизнисот и да додаде нови категории производи. Тие минатиот месец изјавија дека новата стратегија ќе вклучува проширување во „секторите за високи перформанси и луксуз, поставување нови стандарди за извонредност и трансформирање на McLaren во високо перформансен британски автомобилски бизнис на глобалната сцена.“
