Со новиот GT X Experimental Concept, Opel слави една година под PSA и најавува нов дизајнерски јазик. – CARclub.mk | #1 за Автомобилите full screen background image
Search

Со новиот GT X Experimental Concept, Opel слави една година под PSA и најавува нов дизајнерски јазик.

Иако не можеме да видиме многу на најавата, сепак се препознава храбра нова дизајнерска насока која ќе го води Opel кон иднината.

Концептот ја најавува дизајнерската насока за Opel и Vauxhall, а Mark Adams кажува дека идните возила на брендот треба да се истакнуваат и да бидат различни од другите – „Дизајнот ќе биде во срцето на сè што ќе правиме во иднина. Дизајнот ќе ни овозможи навистина да го издвоиме брендот Vauxhall и да го направиме поостар и порелевантен во контекст на нашите вредности. Ние сме британски бренд и инспирацијата е секаде околу нас.“ На објавената фотографија, претседателот на Opel и Vauxhall – Michael Lohnscheller – гордо ни прикажува неколку детали.

Иако концептот ја носи значката Vauxhall, сепак Opel и Vauxhall се нераздвојни брендови, и она што се однесува за едниот бренд, веднаш се однесува и за другиот. Концептот – барем она што можеме да го видиме – изгледа интересно, и веќе е најавено дека елементи од овој концепт ќе започнат да се појавуваат на сериските модели веќе од 2020-тата година.

 



Алфа и Омега на CARclub. Играчките остануваат, само стануваат поскапи.