Спортската дивизија на Renault потврди дека новиот Megane RS ќе го видеме веќе овој викенд, за време на Monaco Grand Prix!
Иако официјалната премиера на новиот Megane R.S. е закажана за саемот на автомобили во Франкфурт во Септември, сепак луѓето од Renault потврдија дека токму викендов за прв пат ќе го видиме новиот француски хот-хеч!
Дебито ќе се случи токму овој викенд за време на Monaco Grand Prix, а зад управувачот ќе биде Nico Hulkenberg од Renault Sport Racing. Дополнително, новиот Megane RS ќе носи црно-жолти бои со цел да оддаде почит на тркачката историја на Renault.
Иако сè уште не е потврдено каков мотор ќе носи новиот Megane RS, се шпекулира дека можеби ќе го добие истиот 1.8-литарски четири-цилиндерски турбо-бензинец кој ќе се вградува во Alpine A110 Coupe, но дополнително доработен да испорачува околу 300 коњски сили.