Доминацијата на Peugeot на овогодинешниот Дакар е тотална – Stephane Peterhansel стигна до првата позиција, а францускиот бренд слави 1-2-3 победа!
Stephane Peterhansel заслужено го зема прекарот „Mr. Dakar“ – тој е најуспешниот натпреварувач на легендарното рели, со седум победи во класификацијата на автомобили и шест кај моторциклите. Но неговата овогодинешна победа го потврдува и неговиот спортски дух – по несакан контакт со моторциклистот Simon Marcic, тој остана покрај повредениот моторциклист сè додека не пристигнаа екипите за прва помош. Времето му беше вратено, а на самиот крај тој имаше 5-минутна предност пред тимскиот колега Sebastien Loeb.
Sebastien Loeb (FRA) of Team Peugeot TOTAL gives a interview at the finish line of stage 12 of Rally Dakar 2017 from Rio Cuarto to Buenos Aires, Argentina on January 14, 2017.
На самиот крај, подиумот беше обвиен во француските бои. На врвот се најде Peterhansel, 5 минути зад него заврши рели-легендата Sebastien Loeb, а на третата позиција со 33 минути закаснување заврши Cyril Despres. Со ова, францускиот производител Peugeot освои убедлива 1-2-3 победа на овогодинешното издание на незаменливото Dakar Rally. Сите возачи го возеа новиот Peugeot 3008 DKR кој не само што го продолжи, туку и го надмина успехот на минатогодинешното возило.
Одличен резултат за францускиот тим! Им честитаме за убедливата победа и им посакуваме да продолжат со успесите! Браво, Mr. Dakar!
