Полицијата во Сиетл успеа да фати крадец на автомобили во соработка со BMW – кои не само што го најдоа автомобилот, туку успеjаа да го заклучат возилото со крадецот во него!
Johan Spagenthal-Lee, одговорниот за комуникација во полицијата на Сиетл објави интересна објава на официјалниот блог, каде препорача дека ако сте во украден автомобил, можеби тоа не е најдобриот момент малку да дремнете.
„Во Неделата наутро, крадецот се разбуди од длабок сон и се пронајде заклучен во украдено BMW, во истиот момент кога припадниците на полициските сили му се наближуваа.“ – напуша Spagenthal-Lee. Крадецот го нашол клучот во автомобилот, кој бил заборавен внатре во автомобилот (многу убаво..) и решил да се почести со луксузниот автомобил.
Веднаш штом забележал дека му го нема автомобилот, сопственикот ја пријавил кражбата, а полицијата на Сиетл контактирала со BMW кои успеале да го најдат автомобилот во населбата Ravenna во Сиетл. Автомобилот бил паркиран, моторот сè уште работел, а крадецот спиел зад воланот. Вработените во BMW успеале од далечина да ги заклучат вратите со што го затвориле и осомничениот. Тој покрај за кражба, е обвиен и за поседување дрога.
Сепак, во целата приказна, покрај можноста за далечинско заклучување на вратите, се наметнува и уште една точка за дискусија – дали со новите Keyless системи нашите возила се поподложни на крадење? Не знаеме точно за кој модел на BMW се работи, но претпоставуваме дека во случајот е понов модел на баварскиот производител.