Новиот караван на Volvo – големиот V90 – е најновиот член на шведската полиција, и веќе ги има најдобрите резултати на нивниот „приемен испит.“
За еден автомобил да биде дел од шведската полиција, мора да помине низ неколку тестови – тест на сопирање, тест на минување околу пречки, тест за напредно возење и избегнување, како и тест на брзо возење во специјални услови. На овие тестови, V90 освои 9.2 поени од вкупно 10 – а тоа е најдобриот резултат на овие тестови досега – и подобри од досегашниот XC70.
За V90 да ги постигне овие импресивни резултати, инженерите од Special Products одделот на Волво во Торсланда му посветија малку внимание на автомобилот, па тој доби зајакната шасија, подобрувања на сопирачките и суспензијата, а ентериерот ги доби сите алатки и технологии кои можат да им бидат потребни на шведските полицајци.
Сега за сега не знаеме која погонска единица ја користи полицискиот V90, можеме да претпоставиме дека користи еден од турбо-полнетите четири-цилиндерски бензинци на Volvo кои испорачуваат 250 или 315 коњски сили. Планот на Volvo е покрај на полицијата во Шведска, да им го понуди V90 и на други полициски сили – не само во Европа, туку ширум светот. Испораката на полициските примероци ќе започне следната година.
Новиот V90 е базиран на новиот луксузен седан на Volvo – S90 – кој ние веќе имавме можност одблиску да го запознаеме. Прочитајте го нашиот тест!
