Главниот директор за истражување и развој на Volkswagen, Хајнц Јакоб Нојсер, во Пекинг ги потврди плановите за производство на моќниот концепт Golf R400.
Автомобилот ќе биде погонуван од истиот 2.0-литарски турбо-бензински агрегат кој се наоѓа во Golf R, но е модифициран да произведува 400, наместо неговите 305 коњски сили. Ова му овозможува да постигне забрзување од 0-100 км/ч за само 3.9 секунди и максимална брзина од 280 км/ч.
Иако ова изгледа како одлична вест, сепак, тука е и критичното прашање за цената на хипер брзите спортски компакти, која е всушност главната негативност на сличниот Mercedes A45 AMG. Можеби уште поагресивниот Golf R400 во неговата сериска изведба ќе ја оправда неговата цена, но со сигурност можеме да кажеме дека нема да биде ефтин.
