По откажувањето на Mini, сега и Ford ги објави плановите дека ќе се повлече од Светскиот Рели Шампионат по завршувањето на оваа сезона.
Според Роланд Де Ваард, европскиот потпретседател за продажба и маркетинг на Ford, Американскиот бренд има долга и горда традиција во WRC, а ова не била лесна одлука. Сепак во ова време тие заклучиле дека подобро за компанијата е да ја намалат посветеноста во WRC и да ги насочат ресурсите во други области.
Покрај повлекувањето на Ford, M-Sport планира да продолжи да се натпреварува со нивната Fiesta. Ford е во преговори со компанијата за да ги снабдува со возила и инженерска поддршка.