Можеби најдоброто теренско возил0 во историјата – Land Rover Defender добива неколку нови бои, како и подобрувања во внатрешноста!
Надворешно, промените се однесуваат само на понудата на боите, па така новиот Defender сега може да се нарача во Barolo Black и Havana боите. Освен тоа, Defender со новите бои на кровот добива и поголеми можности за персонализација. Сега кровот може да биде во неколку нови бои – Fuji White, Santorini Black, Indus Silver, Orkney Grey и Firenze Red.
Неколку помали подобрувања добива и ентериерот. Сега внатре се наоѓаат новите седишта со поквалитетна кожа. Bluetooth конекцијата е сега исто така инсталирана, додека купувачите имаат можност да го одберат и Alpine премиум аудио системот.
Овој модел кој нуди неколку помали подобрувања ќе почне да се продава на крајот од овој месец, додека цените почнуваат од 22,350 фунти.
Во продолжение, уживајте во „off-road“ галеријата на Land Rover Defender.