Први официјални фотографии од новата Mazda 6 – CARclub.mk | #1 за Автомобилите full screen background image
Search

Први официјални фотографии од новата Mazda 6

После неколку “teaser” видеа и фотографии на кои неможевме ништо да видиме, Mazda одлучи конечно да открие малку повеќе од новата Mazda 6.

Иако се претставени самонеколку официјални фотографии, знаеме дека се работи за автомобил од кој се очекува премногу, а тоа можеме и самите да го заклучиме од изгледот на новата 6-ка.

Можеме да видиме дека Mazda 6 има динамичен и агресивен преден дел. Ваквиот изглед нема да не изненади премногу бидејќи произлегува од Takeri Concept за кој веќе пишувавме.

Иако сеуште немаме повеќе детали за идната Mazda 6, сепак знаеме дека се работи за вториот автомобил на Mazda, после CX-5 во кој целосно е вградена SKYACTIV технологијата. Всушност се работи за модерна и прилично полесна платформа на која лежи новата Mazda 6.

Mazda 6 официјално ќе ја видиме набрзо, односно на саемот во Париз во септември, а нејзината продажба треба да започне веднаш потоа.



Во своите најлуди соништа Димитар вози Ford Fiesta ST, а во реалноста ја обожава својата "нормална" Fiesta. Среќен што е дел од CARclub.