BMW идната година ќе ја претстави новата генерација на Series 1 Coupe, но oвој пат најмалото купе на BMW ќе го смени името во Series 2!
Во понудата е и 235i, моделот кој е придвижуван од шестцилиндричен мотор со 306 КС. Направен е на платформата на F20, а во поглед на дизајнот, новото купе на BMW ќе дели некои детали со хечбек верзијата на Series 1. Сепак, најавите се дека ова купе ќе нуди повеќе луксуз и спортски дизајн од „помалиот брат“.
Series 1 и новата Series 2 ќе делат уште заеднички работи, а тоа е понудата на моторите. Во понудата на ова ново купе на BMW ќе се најде добро познатиот 2,0 бензинец во три верзии, со 155, 180 и 220 КС. 220d верзијата ќе биде исто така во понудата. Таа го носи 2,0 турбодизел моторот со 215 КС. Најмоќната верзија е токму 235i, која во себе го има 3,0 литарскиот бензинец со 306 КС!
Моторите ќе бидат во комбинација со шест-степениот мануелен менувач или пак со ZF-осумстепениот автоматски менувач. Се шпекулира дека Series 2 Coupe ќе го добие и xDrive погонот.
Иако сега за сега сè се сведува на шпекулации, не би било лошо да видиме уште еден спортист од BMW!