Ова се првите официјални фотографии од фејслифтираниот Audi Q5, кој ќе започне со продажба кон крајот на годинава.
Промените се минимални во споредба со оригиналниот модел кој е на пазарот од 2008. Визуелните освежувања содржат благо редизајниран браник, нова решетка и рестилизирани предни светла, додека пак задниот дел изгледа скоро идентично. Во внатрешноста можат да се забележат поквалитетни материјали и нов дизајн на воланот.
Од тоа што го знаеме, Q5 ќе добие промени на суспензијата и обновена поштедлива палета на мотори, која ќе го вклучува 3.0-литарскиот TFSI со компресор во повеќе верзии. За повеќе информации чекаме официјална објава од Audi.